INgoma 98
Ukuhlwanyela Imbewu YoMbuso
1. Wozani zinceku zikaJah,
Eniz’nikezele kuye.
Nize emsebenzini weNkos’,
Nifunde kuye uKristu.
Hlwanyelan’ imbewu yeqiniso,
Kwabayothela iz’thelo
Eziyodumisa uBaba wethu,
Ngenxa yenkonzo yok’thembeka.
2. Enye imbewu iyowela
Enhliziywen’ elukhuni,
Ikhule okwesikhashana,
Kodwa ibuye ibune.
Lapho ubugovu bunamandla;
Bakhetha izinto zezwe.
Enye imbewu ihluma ikhule
Enhlabathini ethelayo.
3. Ukuphumelel’ enkonzweni,
Kuyoxhomeka nakuwe.
Ngothando nes’neke ngabantu,
Zingavulek’ iz’nhliziyo.
Uyoqeda ukwesaba kwabo
Ngobumnene nanges’bindi.
Uyojabula lapho usuvuna
Ngeshumi ngisho nangekhulu.
(Bheka noMath. 13:19-23; 22:37.)