Lapho sifunda iBhayibheli, singasebenzisa amathuluzi okutadisha ahlukahlukene ukuze siqonde esikufundayo. Kodwa kuhle ukuthi uma sifunda, singafundeli nje ukwandisa ulwazi lweBhayibheli. Sifuna ukuthola amagugu aphathelene nobuntu bukaJehova azosenza simthande nakakhulu. Ukuze sikwenze lokho, singazibuza, ‘Le ndaba ingifundisani ngoJehova?’

Singafuna ubufakazi bendlela abonisa ngayo izimfanelo zakhe ezivelele ezinjengothando, ukuhlakanipha, ubulungisa namandla. Kodwa uJehova akagcini ngokuba nalezi zimfanelo, unazo nezinye ezinhle. Ungalutholaphi ulwazi olwengeziwe ngezimfanelo zakhe?

Bheka INcwadi Yokucwaninga YoFakazi BakaJehova ngaphansi kwesihloko esithi “UJehova UNkulunkulu” bese ubheka isihlokwana esithi “Izimfanelo ZikaJehova.” Yibe usucwaninga ngalezo okukhulunywa ngazo endabeni oyifundayo.