1 | Umthandazo—‘Phonsa Zonke Izinkathazo Zakho Kuye’
IBHAYIBHELI LITHI: “Niphonse zonke izinkathazo zenu [kuNkulunkulu], ngoba uyanikhathalela.”—1 PETRU 5:7.
Lokho Okukushoyo
UJehova uNkulunkulu usicela ukuba simtshele noma yini esisindayo nesikhathazayo. (IHubo 55:22) Singathandazela noma yini, kungakhathaliseki ukuthi ibukeka incane noma inkulu. Uma ibalulekile kithi, ibalulekile nakuJehova. Ukuthandaza kuye kuyisinyathelo esibalulekile sokuthola ukuthula kwengqondo.—Filipi 4:6, 7.
Indlela Lokhu Okungasiza Ngayo
Uma sinesifo sokuphazamiseka kwengqondo, singazizwa singenabani. Abanye abantu bangase bangakuqondi ngokugcwele esibhekene nakho. (IzAga 14:10) Uma sithandaza kuNkulunkulu ngokusuka enhliziyweni, simtshele indlela esizizwa ngayo, uzosilalela ngozwela futhi uzoyiqonda indlela esizizwa ngayo. UJehova uyakubona konke esibhekene nakho nokusikhathazayo futhi ufuna sithandaze kuye nganoma yini.—2 IziKronike 6:29, 30.
Ukukhuluma noJehova ngomthandazo kwenza siqiniseke nakakhulu ngokuthi uyasikhathalela. Singazizwa njengomhubi owathandaza wathi: “Ukubonile ukuhlupheka kwami; uyazi ngokucindezeleka kwami okukhulu.” (IHubo 31:7) Ukwazi nje ukuthi uJehova uyakubona okusikhathazayo kungasisiza sibhekane nezikhathi ezinzima. Akagcini nje ngokukubona okusikhathazayo kodwa ukuqonda ukudlula noma ubani esibhekene nakho. Uphinde asisize ngokusikhuthaza nangokusiduduza ngeZwi lakhe, iBhayibheli.
Okunye Ongase Ukuthande
INQABAYOKULINDA
Ungathandaza Kanjani Ukuze UNkulunkulu Akuzwe?
Khuluma noNkulunkulu noma nini nangasiphi isikhathi, buthule noma uphimisele. UJesu wasisiza nokuba sazi ukuthi sithini.
AMAVESI EBHAYIBHELI AYACHAZWA
U-Isaya 41:10 Uyachazwa—“Ungesabi, Ngoba Nginawe”
UJehova usebenzisa izinkulumo ezintathu eziqinisekisa izikhonzi zakhe ezithembekile ngokuthi uzozisekela.
INTSHA IYABUZA
Kungani Kufanele Ngithandaze?
Ingabe ukuthandaza kumane nje kuyinto engenza ngizizwe ngcono?
INQABAYOKULINDA
Ingabe UNkulunkulu Uyayizwa Imithandazo Yethu?
IBhayibheli lisiqinisekisa ngokuthi uNkulunkulu uyasilalela lapho sithandaza ngendlela efanele.
MAYELANA NATHI
Cela Isifundo SeBhayibheli
Thola izifundo zeBhayibheli ngesikhathi nasendaweni evumelana nawe.
