Ubani Noma Yini UDeveli?
Ubani noma yini uDeveli?
UBUNGATHI uDeveli . . .
Yisidalwa somoya?
Uphawu lobubi olungaphakathi kumuntu?
Into ecatshangwa abantu?
LOKHO OKUSHIWO IBHAYIBHELI
UDeveli wakhuluma noJesu futhi ‘wamlinga.’ (Mathewu 4:1-4) Ngakho uDeveli akayona nje into ecatshangwayo noma uphawu lobubi. Uyisidalwa somoya esibi.
YINI ENYE ESINGAYIFUNDA EBHAYIBHELINI?
Ekuqaleni uDeveli wayeyingelosi engcwele, kodwa “akazange ame aqine eqinisweni.” (Johane 8:44) Waba umqambimanga futhi wavukela uNkulunkulu.
Ezinye izingelosi zahlanganyela noSathane ekuvukeleni.—IsAmbulo 12:9.
UDeveli wenza abantu abaningi bakholelwe ukuthi ekekho.—2 Korinte 4:4.
Ingabe uDeveli angakwazi ukulawula abantu?
ABANYE ABANTU BATHI kuwukuzikhohlisa ukukholelwa ukuthi uDeveli angakulawula, kuyilapho abanye bekusaba ukulawulwa imimoya emibi. Wena ucabangani?
OKUSHIWO IBHAYIBHELI
“Lonke izwe lisemandleni omubi.” (1 Johane 5:19) UDeveli unalo ithonya kubantu, kodwa akalawuli bonke abantu.
YINI ENYE ESINGAYIFUNDA EBHAYIBHELINI?
UDeveli usebenzisa inkohliso ukuze adukise abaningi.—2 Korinte 11:14.
Ngezinye izikhathi imimoya emibi ingabalawula abantu.—Mathewu 12:22.
Ngosizo lukaNkulunkulu, ‘ungamelana noDeveli’ ngokuphumelelayo.—Jakobe 4:7.
Okunye Ongase Ukuthande
IMIBUZO YEBHAYIBHELI IYAPHENDULWA
Ingabe UDeveli Ungokoqobo?
Ingabe uDeveli uyimfanelo yobubi ephakathi kwabantu, noma ingabe ungumuntu ongokoqobo?
IMIBUZO YEBHAYIBHELI IYAPHENDULWA
Ingabe UNkulunkulu Wadala UDeveli?
Wavelaphi uDeveli? Funda ukuthi kungani uJesu athi ngoSathane “akazange ame aqine eqinisweni.”
IMIBUZO YEBHAYIBHELI IYAPHENDULWA
Ingabe UDeveli Angabalawula Abantu?
UDeveli ubathonya kanjani abantu futhi singazigwema kanjani izicupho zakhe?
