Fundisa Izingane Zakho
Yayithandwa UNkulunkulu Nabangane Bayo
KUZE kube namuhla, akekho olaziyo igama layo. Sazi igama likayise kuphela, uJefta. Ake sihlole iBhayibheli ukuze sifunde ngalaba bantu ababili. Sizothola ukuthi indodakazi kaJefta yayithandwa uNkulunkulu futhi ithandwa abangane bayo.
Singafunda ngoJefta nangendodakazi yakhe eBhayibhelini encwadini yabaHluleli isahluko 11. Njengoba uJefta ayeyinceku kaNkulunkulu ethembekile, akungabazeki ukuthi wayekhuluma njalo ngemiBhalo nendodakazi yakhe.
UJefta waphila ngaphambi kokuba abantu bakaNkulunkulu, ama-Israyeli, bacele inkosi engumuntu ukuba ibabuse. Wayeyindoda enamandla, ekwazi ukulwa. Ngakho, ama-Israyeli amcela ukuba awahole ukuyokulwa nabakwa-Amoni, isizwe esingumakhelwane esasilwa njalo nama-Israyeli.
UJefta wayefuna uNkulunkulu abasize banqobe abakwa-Amoni, ngakho wenza isithembiso. Wathi uma uJehova engabasiza banqobe, wayeyonikela ngalowo oyophuma kuqala endlini yakhe lapho ebuya empini. Lowo muntu wayeyokhonza ukuphila kwakhe konke etabernakele likaNkulunkulu—indawo yokukhulekela uNkulunkulu ngalezo zinsuku. Ingabe uyazi ukuthi ubani owaphuma kuqala?— *
Yebo, kwaphuma indodakazi yakhe! UJefta wadabuka kakhulu. Wayenengane eyodwa vo. Kodwa wayenze isithembiso kuJehova futhi kwakumelwe asigcine. Indodakazi yakhe yamkhulula ngokushesha. Yathi: “Baba, uma uvulile umlomo wakho kuJehova, yenza kimi ngokwalokho okuphumé emlonyeni wakho.” Yabe isicela ukuba yodwa izinyanga ezimbili ukuze iye ezintabeni iyolila. Kungani yayidangele? Phela ukugcina izwi likayise kwakusho ukuthi yayingeke ishade noma ithole abantwana. Noma kunjalo, ayizange ibeke izifiso zayo phambili. Yayifuna ukulalela uyise nokuba qotho kuJehova. Ingabe ucabanga ukuthi isinqumo sayo samjabulisa uyise noJehova?—
UJefta wabe esehambisa indodakazi yakhe nabangane bayo izinyanga ezimbili. Lapho ibuya, uyise wagcwalisa isithembiso sakhe ngokuyisa etabernakele likaNkulunkulu eShilo lapho yachitha khona ukuphila kwayo konke. Minyaka yonke, amadodakazi akwa-Israyeli ayehamba aye eShilo ayokhuthaza indodakazi kaJefta.
Ikhona yini intsha oyaziyo elalela abazali bayo futhi ethanda uJehova?— Kuhle ukujwayelana nezingane ezinjalo futhi ube umngane nazo. Uma ulingisa isibonelo sendodakazi kaJefta, ulalela futhi uqotho, uyoba nabangane abahle. Uyojabulisa abazali bakho futhi uthandwe uJehova.
Funda EBhayibhelini Lakho
^ Uma ufunda nengane, udwi ukukhumbuza ukuba ume bese uyikhuthaza ukuba iveze umbono wayo.
Okunye Ongase Ukuthande
YIBA UMNGANI KAJEHOVA
Lalela Abazali Bakho
Kungani kubalulekile ukulalela abazali? Bukela le video uthole impendulo noKhwezi.
YIBA UMNGANI KAJEHOVA
Lalela UJehova
Ingabe kunendaba ukuthi udlala ngamathoyizi anjani? Bukela le video ubone indlela uKhwezi aba ngayo umngane kaJehova.
INQABAYOKULINDA
Kungani Abanye Abantu BaseBhayibhelini Bengabizwa Ngamagama?
Ingabe kufanele siphethe ngokuthi abantu baseBhayibhelini abangabizwa ngamagama babeyizibonelo ezimbi noma bengabalulekile?
INQABAYOKULINDA
UJesu Kristu—Kufanele Simkhumbule Enjani?
Ingabe kufanele uJesu simkhumbule ewusana kuphela? Zazingobani “izazi” ezeza zizobona uJesu? Wenzani uJesu njengamanje?
INQABAYOKULINDA
UNkulunkulu Uyabuzwa Ubuhlungu—Indlela Esingamjabulisa Ngayo
Bewazi ukuthi ungayithinta indlela uJehova azizwa ngayo? Funda ukuthi izenzo zika-Adamu no-Eva zamzwisa kanjani uJehova ubuhlungu.
INQABAYOKULINDA
Yini Esingayifunda Eselelesini?
Lapho uJesu esezokufa, wathembisa iselelesi ayebethelwe naso ukuphila ePharadesi. Wayesho ukuthini uJesu, futhi lelo Pharadesi liyoba njani?
