1. Wɔ tsuo waa kɛ bua jɔmi fiɛɛɔ

Baiblo mi munyu daa.

Wa náa he se wawɛɛ nitsɛ.

Wa maa kase Kristo.

Wa ma je suɔmi nitsɛ kpo

Kɛ tsɔɔ nimli tsuo daa.

Wa maa tsɔɔ nimli anɔkuale

Nɛ́ a su Mawu he.

2. Yehowa sɔmɔli ji wɔ;

Wa jemiba he tsɔ.

Wa suɔ nɛ nimli nɛ na kaa

Mawu tsɔli ji wɔ.

Wa kaseɔ Baiblo saminya,

E bliɔ wa juɛmi nya.

E ha wa leɔ Mawu saminya,

Nɛ wa peeɔ e huɛmɛ.

3. Wa náa wa hiami níhi tsuo

Kɛ jeɔ Yehowa ngɔ.

E buɔ wa sɔlemi tue daa,

Nɛ e yeɔ kɛ bua wɔ.

Wa bua jɔ Mawu Munyu he;

E ji anɔkuale.

Wa ma ha nɛ nimli nɛ kase,

Nɛ́ a ba piɛɛ wa he!