LA 79
Nyɛɛ Tsɔɔ Mɛ Ní Konɛ A Fĩ Si Daa
-
1. Ke wa tsɔɔ tsui kpakpatsɛmɛ ní,
Wa bua jɔɔ ke a he wa.
Yehowa yeɔ bua mɛ, ejakaa
A bua jɔ e Munyu he.
(NƆ HEMI)
Tsɛ Yehowa, wa kpa mo pɛɛ,
Hyɛ a nɔ nɛ o bu a he.
Yehowa, moo gu Kristo nɔ Kɛ ye bua mɛ,
Nɛ́ a nyɛ nɛ a fĩ si daa.
-
2. Wa kpa mo pɛɛ nɛ o ye bua mɛ,
Ejakaa a kɛ ka kpeɔ.
Wa ha nɛ a ná o he nile;
Yehowa, moo jɔɔ mɛ daa.
(NƆ HEMI)
Tsɛ Yehowa, wa kpa mo pɛɛ,
Hyɛ a nɔ nɛ o bu a he.
Yehowa, moo gu Kristo nɔ Kɛ ye bua mɛ,
Nɛ́ a nyɛ nɛ a fĩ si daa.
-
3. Ha a kɛ a hɛ nɛ fɔ o kɛ
O Bi Kristo Yesu nɔ.
Moo ye bua mɛ nɛ a fĩ si daa,
Nɛ o ha mɛ ayekoo.
(NƆ HEMI)
Tsɛ Yehowa, wa kpa mo pɛɛ,
Hyɛ a nɔ nɛ o bu a he.
Yehowa, moo gu Kristo nɔ Kɛ ye bua mɛ,
Nɛ́ a nyɛ nɛ a fĩ si daa.
(Moo hyɛ Luka 6:48; Níts. 5:42; Filip. 4:1 hulɔ.)
