LA 95
La a Nya Ngɛ Wae
(Abɛ 4:18)
-
1. Blema gbali suɔ kaa a maa le Kristo.
Lɛ nɛ e ma kpɔ̃ nɔ́ nali tsuo.
Mawu ha nimli le kaa Kristo maa ba,
Lɛ pɛ ji wa yi wami helɔ.
Kristo Matsɛ Yemi je sisi momo,
Odasehi tsɔɔ kaa e ba.
E ji he blɔ ngua nɛ wa ná kaa wa le;
Bɔfohi po suɔ kaa a maa le!
(NƆ HEMI)
Wa blɔ mi tɛ̃ kɛ ha wɔ wawɛɛ,
Ejakaa la ngɛ wa blɔ nɔ.
Yehowa jeɔ níhi kpo haa wɔ;
Lɛ nɛ e tsɔɔ wɔ blɔ nɛ da.
-
2. Wa Nyɔmtsɛ Kristo hla tsɔlɔ ní lelɔ,
Konɛ e ha wɔ niye ní daa.
Anɔkuale la yaa nɔ nɛ e kpɛɛ daa,
E taa adesahi a tsui he.
Wɔ tsuo wa ma nyɛ maa hyɛ wa nane nya,
Ejakaa wa nyɛɛ ngɛ la nya.
Sina ha Yehowa, e nile mi kuɔ,
Waa kɛ bua jɔmi ma sɔmɔ lɛ.
(NƆ HEMI)
Wa blɔ mi tɛ̃ kɛ ha wɔ wawɛɛ,
Ejakaa la ngɛ wa blɔ nɔ.
Yehowa jeɔ níhi kpo haa wɔ;
Lɛ nɛ e tsɔɔ wɔ blɔ nɛ da.
(Moo hyɛ Rom. 8:22; 1 Kor. 2:10; 1 Pet. 1:12 hulɔ.)
