1. Womi ngua ko ngɛ, e mi munyu haa nɛ

Adesa náa hɛ nɔ kami nitsɛ.

E ji womi nɛ ngɛ he wami nitsɛ;

E haa nɔ wami, e bliɔ nɔ hɛ ngmɛ.

Womi ngua nɛ wa ngɛ he munyu tue ji,

Ngmami Klɔuklɔu. Mawu lɛ ha a ngma.

Nimli nɛ ngma suɔ Yehowa saminya.

Yehowa mumi lɛ ha nɛ a ngma.

2. A ngma Mawu adebɔ ní he sane.

A tsɔɔ kaa e bɔ hiɔwe kɛ zugba.

A tsɔɔ bɔ nɛ yayami plɛ kɛ ba ha,

Kɛ nɔ́ he je nɛ Paradeiso laa.

A tsɔɔ kaa hiɔwe bɔfo ko te si wo

Mawu nɔ yemi nɛ e gbe he guɛ.

E ngɔ yayami kɛ nɔ́ nami kɛ ba,

Se Mawu maa ye e nɔ kunimi.

 3. Wɔ tsuo wa ngɛ bua jɔmi be mi nitsɛ,

Ejakaa Nyɔmtsɛ Kristo ngɛ tsɛ yee.

Wa jajeɔ Matsɛ Yemi sane kpakpa

Kɛ haa adesahi ngɛ je kɛ wɛ.

E ji sane kpakpa nɛ ngɛ Baiblo mi;

E ji okplɔɔ nɛ Yehowa ngmɛ wɔ.

E haa nimli tue mi jɔmi nɛ se be;

E ji juetli, nyɛ ha waa kane daa.