LIED 11
Die skepping loof God
(Psalm 19)
-
1. Jehovah God, u werke toon u mag.
Die hemelruim vertel ons van u krag.
Die skepping loof u sonder stem of spraak,
so word u heerlikheid bekendgemaak.
Die skepping loof u sonder stem of spraak,
so word u heerlikheid bekendgemaak.
-
2. As ons u vrees, dan is ons waarlik wys.
En ons sal doen wat u van ons vereis.
U wet gee lig aan jonk sowel as oud;
dit is volmaak en kosbaarder as goud.
U wet gee lig aan jonk sowel as oud;
dit is volmaak en kosbaarder as goud.
-
3. U is ons God, dit maak ons geest’lik ryk.
Ons volg u Woord, dit maak ons pad gelyk.
Die grootste voorreg wat daar ooit kan wees,
is om u naam te eer en u te vrees.
Die grootste voorreg wat daar ooit kan wees,
is om u naam te eer en u te vrees.