1. Jehovah, ons hemelse Vader,

dit is so ’n heilige nag!

Eeue t’rug op dié aand sien u volk u sterk hand,

u liefde, reg, wysheid en mag.

Dis toe dat die Paaslam geslag is,

en Israel, u volk, is bevry.

Later lê onse Heer toe sy siel vir ons neer

dat ons ewige lewe kan kry.

2. Die brood en die wyn laat ons nadink,

u gawe aan ons was so groot.

Want u Seun is gestuur

as ’n losprys so duur;

gehoorsaam was hy tot die dood.

Ons dank u vir hierdie Gedenkmaal,

wat ons weer laat dink aan ons hoop.

Ja, u Seun het gesterf

dat ons lewe kan erf,

van die sonde is ons vrygekoop.

 3. Vanaand het ons voor u vergader;

voor u buig ons ned’rig die hoof.

Ja, ons dank wil ons toon

voor u hemelse troon,

en u en u Seun wil ons loof.

Want ons word met elke Gedenkmaal

versterk en opnuut opgebou.

Ons wil u elke dag dien met hart, siel en krag,

en u guns wil ons altyd behou.