1. Ferm leali lejn Ġeħova,

Imħabbitna rridu ntuh.

Bħala nies tant dedikati,

Kull kmand tiegħu qed nobduh.

Parir tiegħu qatt ma jfalli,

Kulma jgħid ikun eżatt.

Hu leali; nafdaw lilu.

Ma nitbiegħdu minnu qatt.

2. M’għeżież ħutna lkoll leali,

Fi żmien t’għawġ żgur magħqudin.

Nafdaw dejjem u ħsieb nieħdu,

Fil-​kliem u fl-​għemil twajbin.

Unur dejjem nagħtu ’l ħutna,

U mill-​qalb nirrispettaw.

Ferm uniti u leali;

Lilhom qatt nabbandunaw.

3. Meta ħutna imexxuna

Dejjem nuru lealtà.

Hekk kif lilna jidderieġu,

Mill-​qalb nobdu, b’fedeltà.

B’hekk il-​barka taʼ Ġeħova

Saħħa lkoll tagħtina żgur.

Jekk leali dejjem nibqgħu,

T’Alla jkollna il-​favur.