1. Con si sar tu, o Iehova?

Con si cadea de baro?

So daștiv, Dade, te dav tut

că lean man ande chio ilo?

Șucarimos hai bari zor

si ando than cai beșes.

Con som me, o, Bare Devla,

caring mande tu te diches?

2. Me som chiro, o Iehova,

hai voime sicavav,

că goghiaver hai lașio san,

prin sea so cherav hai phenav.

Dav man baro tusa, Dade.

Mânri pachiv tute jial.

Tu des man zor sea o timpo;

tu san mânro Del hai amal.

3. O baro cham, o șionoto,

le plaina, le paia –

bucuriatar pheren man;

phenen manghe că iubis-ma.

Devla, dichav pașa mande

șucarimos peste sea.

Sar te na dav tut pachiv, hai

te na așarav tut cadea?